顏子菲醉到斷片

藝人姜皓文（黑仔）和顏子菲早前在九龍城拍攝啤酒廣告，當中顏子菲以性感露背紅裙亮相，非常搶眼。問顏子菲會否劈酒，她笑說：「十年前我就有機會係嘅，依家唔得喇，我好養生。」講到醉酒經歷，她指最醉一次是有朋自遠方來，要陪他們飲盡中環：「由一間Club飲到去第二間Club，之後就返屋企。但之後出嚟再傾我先知，原來我哋中間有去過一間茶餐廳，搵另一個朋友食少少嘢，但呢段記憶完全冇咗。好得意，人哋多數係最尾斷片，我就係中間斷片。」她又直言滿意拍攝酬勞，更透露有六位數字。