范冰冰爆李晨逼講肉麻對白

范冰冰與李東旭齊齊在巴黎睇時裝騷。

冰冰以白色裝扮亮相，每天都要敷兩片面膜的她，坦言每逢出埠都會帶備面膜和潤唇膏。早前獲李晨求婚的她，問到有否帶未婚夫所送的東西傍身？她笑得極冧說：「好似冇，我將佢嘅心帶出嚟。」提到未婚夫首次執導由她演出的電影，即有讚無彈，更向李晨隔空傳情說：「空軍題材好難拍，如果要我畀分，會畀85至90分。（為呢部戲有冇做體能訓練？）有做體能訓練，所以比較瘦。（NG最多嘅場景係咩？）個對白係佢講：『你可真難追呀！』我話：『你也是追上了嘛！』講呢句對白嘅時候成日笑，他點都要將呢句說話寫喺戲入面，一定要展示畀大家睇。」至於婚紗則已有構思，但尚未落實。

• 茱莉安摩亞（左二）和范冰冰（右一）坐在同一排睇騷。