張秀文養狗公 偷Bra咬底褲

擁有34D導彈胸的無綫「咪神」張秀文，憑姣好身材成為不少宅男的女神，不過，最近她養了一隻5個月大的柴犬BB仔「太郎」，被視為Mr. Right的「太郎」，火速佔據秀文心口位置，連原本愛睡在她心口的另一寵物刺蝟「白白」都要讓位！「太郎」成為新歡都不無道理，因為秀文要將愛犬捧成明日之星，笑言要將牠變為「搖錢樹」幫手賺錢買樓。

相識靠緣分

提到今次遇上「Mr. Right」，秀文受訪時稱是一種偶然：「行街睇吓小動物時見到，當時冇打算養狗，但係一抱起佢就好唔捨得，佢好乖好嗲，抱上手都冇掙扎好安靜，突然佢掙扎一下，一放上尿墊就去小便，更加令我覺得佢好生性！以前住公屋唔可以養，依家搬咗屋空間多咗，覺得喺一個Right Timing，遇上Mr. Right！」

不過「太郎」可能是男仔，面對「咪神」相當黐身，秀文笑言愛犬常將她的內衣褲咬爛，又愛瞓她的心口：「我成日同佢玩追逐，每日要喺太郎口中搶番我啲Bra同底褲，佢唔知點解好鍾意偷底衫褲，一堆衫裏面都係專揀底衫褲咬，已經咬爛咗好多件，穿晒窿，惟有不停買新底底！」

捧做狗明星

這個Mr. Right雖然是破壞王，但亦有其價值，因為秀文準備捧「太郎」為搖錢樹：「我已經幫太郎接咗第一個廣告，仲拍咗個寵物雜誌封面，希望嚟緊可以拍劇、拍電影，等我可以快啲買樓上車，依家旨意晒太郎啦！（最得寵？）其實我仲養咗隻刺蝟叫『白白』，佢最鍾意畀我抱住瞓，已經養咗一年半，依家有咗太郎，白白好唔鍾意，因為佢最鍾意瞓喺我心口，依家我心口個位畀太郎霸咗喇！」

文：影視組