闔家溫馨買燈籠 李泳漢：囝囝好有主見
臨近中秋佳節，藝人李泳漢日前特地與母親施明及太太Conny，帶同約一歲半的兒子Alfie，三代同堂往揀選燈籠及應節食品。當日一家人入到店舖後，精靈的Alfie表現興奮，坐於購物車內的他如逛超市般，伸手掃各款大大小小的燈籠落購物車，當泳漢拿着大白兔燈籠給兒子時，Alfie竟頭擰擰拒絕，揀了另一隻豬仔燈籠！
泳漢事後表示：「個仔好有主見，上年仲幫佢揀燈籠，今年佢已經自己揸主意。其實過往我都唔太重視中秋，不過做咗人老竇之後，感覺好唔同，依家點忙都安排時間同個仔去玩吓燈籠，更加有一家人團聚嘅感覺。」他更透露Alfie是個大食BB，每次面對美食也笑嘻嘻，樣子可愛，因而有人邀Alfie拍廣告，童星出身的泳漢對兒子加入娛樂圈表示冇所謂，最緊要囝囝開心！
