處女拍劇即獲讚 林欣彤演上癮(抓)做打女
林欣彤昨日為無綫台慶劇《老表，畢業喇！》宣傳，她對處女劇反應緊張，近日還特別邀請一班朋友齊齊睇。獲朋友讚賞的她，對演戲之路打下強心針，更希望將來挑戰做打女。
無綫台慶劇《老表，畢業喇！》演員郭晉安、王祖藍、林欣彤、鄭欣宜、蔣志光及韋綺姍等，昨日在中環碼頭請觀眾食咖喱魚蛋宣傳新劇。祖藍以劇中「蔡芯」造型示人，還即場唱惡搞歌《越辣越愛》。
而處女拍劇的林欣彤坦言緊張演出，故相約好友齊齊睇，看到朋友笑及獲讚演得自然，令她打下強心針。問到可會叫老闆祖藍為她度身訂造劇本？林欣彤笑說：「好呀，自己最想挑戰做打女，因為平時做唔到，所以想拍戲型吓。不過都係講吓笑，做打女好辛苦，要操吓先。」
郭晉安指劇情貼地
對於有網民指新劇不及前兩輯搞笑，郭晉安說：「呢輯要慢慢煲，唔同之前咁瘋狂，貼地啲，係兩種感覺。（蔡少芬繼續缺席宣傳？）可能佢喺劇裏面食得太多咖喱魚蛋，所以唔嚟，哈哈。」郭晉安又透露今日會飛布拉格十日拍新劇《再創世紀》，同行還有楊怡、袁偉豪及周麗淇等。問到可有勾起當年拍《創世紀》時的回憶？他說：「今次係唔同故事，同埋隔咗好多年，好多嘢都唔同晒。」
祖藍惡搞片陸續有來
至於祖藍近日在網上與吳若希隔空對唱《越難越愛VS越辣越愛》的短片，已有二百多萬點擊，他透露會繼續與其他歌手惡搞，延續咖喱魚蛋病毒。祖藍近日受訪時重提婚後即到橫店拍劇三個月，冷落嬌妻令李亞男患抑鬱症，他說：「好耐之前講過啦，當時唔使睇醫生，只係去接受輔導，已經好番，依家會抽多啲時間陪太太。」
文：影視組