為咗促銷產品，好多品牌都會搵代言人幫手宣傳。之但係，所謂代言人好多都對產品冇乜認識，推廣效果實在有限！若然安全套品牌搵伊藤詩穗乃做宣傳大使就最適合不過喇，皆因阿妹魅力迷人，對於使用安全套仲相當有認識添！
近年日本有好多新聞女主播紛紛殺入寫真界搵食，佢哋做主播時打扮端莊又密實，所以好多觀眾都估唔到，呢班女主播一脫去外衣，內裏原來係豐滿誘人嘅火辣胴體，令人眼前一亮，好似G奶美人塩地美澄就係最佳例子。除咗女主播好身材，搞笑女藝人亦一樣擁有火辣無比嘅胴體，伊藤詩穗乃就係其中一位喇！
28歲嘅伊藤詩穗乃生得一副韻味十足嘅姊系面孔，散發出輕熟女味道，親切得嚟又帶點妖媚，小弟就最鍾意呢類型嘅美女喇，唔知大家又點睇呢？此外，詩穗乃嘅身材一定可以引起大家嘅注目，身高5呎6吋，腰幼腿長，係日本寫真界少見嘅長身美人，加埋胸前一對純天然F奶，簡直係引死人！
2008年詩穗乃同賽車女郎永島沙耶佳組成搞笑女子組合「魔女KKO」，賣點除咗搞笑，仲有佢哋胸前嘅巨乳，佢哋每次喺綜藝節目登場，都會刻意換上一件露胸衫，雙手全程遮住兩點，由於雙手唔可以離開雙峰以免走光，因此成日畀主持人整蠱，搞到左支右絀從而引爆笑點。
2013年「魔女KKO」宣告解散，詩穗乃以單飛搵食，轉型做寫真女郎，同時喺電視圈亦有好多演出機會，最近佢更加成為「套」女郎，獲一個安全套品牌邀請成為第9代宣傳大使，四出宣揚安全性愛嘅訊息，阿妹表示除咗要進行安全性愛之外，更加希望日本處男數目下降，男男女女都熱衷性事！另外，早前詩穗乃喺一個訪問中自爆對佩戴安全套非常熟手，亦對安全套嘅製造過程、使用物料等相當了解，睇嚟詩穗乃嘅性經驗都幾豐富喎！
簡介：伊藤詩穗乃除咗會喺Twitter分享工作狀況，大家從中仲會發現阿妹好鍾意打高爾夫球，如果大家都係高球愛好者，不妨同詩穗乃交流吓心得喇。
網址：https://twitter.com/itoshihono
年齡：28歲
身高：5呎6吋
三圍：36F-24-35
撰文：賢