李偉健想同女友結婚

藝人林淑敏與李偉健昨日出席維特健靈喜「月」伴你迎中秋活動，林淑敏表示第一次以這方式派發月餅給老人家，曾是人氣漫畫師的李偉健亦親自繪畫一幅賀中秋畫送給機構。講到最難忘的中秋節，他們想起兒時膽生毛玩煲蠟。而李偉健坦言想跟拍拖多年的圈外女友結婚，又希望能盡快計劃婚禮：「勤力啲做多啲嘢先。（一齊幾耐？）好多年，我都唔敢講，咁耐都仲未結婚。（佢做邊行？）做普通文職。（唔肯嫁？）我事業冇成嘛，要遲啲先得。」而林淑敏表示和李偉健現時忙於拍攝無綫劇《愛．回家之開心速遞》：「同佢相處耐咗，發現佢戲內戲外都係一個小朋友。」