單文柔同展鵬入房毋須多講

藝人單文柔、吳千語等昨晚出席活動，日前單文柔與陳展鵬被拍得同居一事，她指是誤會：「我係幫佢襯衫準備晚宴，所以上咗去。（同居？）係誤會，係同區。（同一屋苑？）咁私隱嘅嘢唔講啦！（入房襯衫？）喺會所襯！（咁有冇入房？）太私隱唔講啦！（見過家長？）我明你哋咩意思，但未到時候，係有見過伯母。（接受同居？）要去到成熟階段，穩定啲先。（同展鵬到呢個階段未？）我哋係好好朋友。（拖手？）你哋唔會見到啦，佢拍戲都成日拖人啦！」