藝人車婉婉今年3月為中澳混血兒老公Jonathon誕下囝囝「BBQ」，好友蘇永康今年3月太太亦為他誕下囝囝蘇展弘（Jazz）。兩個小朋友差不多日子出世，連個樣都十分相似，不時隨父母出席聚會。車婉婉和蘇永康似乎好享受「BBQ」同Jazz撞樣做「孖仔」，車婉婉在社交網上載兩個小朋友「做Gym」的短片，兩個小朋友瞓在軟墊上做BB體操，一齊郁手郁腳十分可愛，突然兩個又拖手仔，真係好朋友。不少網友讚他們精靈活潑，但總分不清誰是「BBQ」和Jazz，幸好車婉婉加上設計對白，網友跟住段片睇先分得清楚！