陳凱琳素顏殘爆驚現熊貓眼
貴為港姐冠軍的陳凱琳（Grace），日前素顏現身銅鑼灣，全程戴Cap帽及口罩遮殘樣，不過入到餐廳即脫口罩抖抖氣，更露出一雙極深色「熊貓眼」，個樣殘爆跌晒Watt！有自知之明的她歎完茶即戴回口罩，免得「真面目」嚇親途人。
現年26歲的Grace分別在2013年香港小姐及2014年國際中華小姐奪得冠軍，年前與48歲的鄭嘉穎拍劇撻着，二人拍拖兩年多表現甜蜜，即使嘉穎不在港，Grace亦經常到男友家打點，自出自入儼如女主人。
日前嘉穎因工作未能相伴，不愁寂寞的Grace相約朋友外出High Tea，當日下午4時許，戴住Cap帽及口罩遮素顏、穿熱褲騷長腿的Grace，獨自現身銅鑼灣街頭，未幾走進附近一間Cafe會合女友人歎茶。她入到餐廳隨即「大解放」，除去口罩抖抖氣，一雙熊貓眼極度深色，個樣殘到爆跌晒Watt，跟她選美時差別很大，難怪有途人經過都不禁眼望望。席上兩人邊食邊傾，逗留約半小時後，Grace臨走前買了一個蛋糕後便與女友人離開。
即刻做Facial
歎完茶，Grace為免「真面目」嚇親人，即急急戴回口罩，與女友人進入附近一幢商廈，約5分鐘後Grace獨自離開，步往另一幢設有美容院的商廈做Facial。約個多小時後，做完Facial的她依然戴住帽及口罩，邊行邊發語音短訊，未知是否向嘉穎報告行蹤？之後她到附近小巴站，搭小巴返回男友於大坑的寓所。看來嘉穎今次真係執到「寶」，執到一隻「國寶」返屋企！
文、攝：追蹤組