余文樂升呢坐頭排搵尼馬集郵

余文樂化身小粉絲，與新一代球王尼馬合照。

藝人余文樂、巴西籍前鋒球星尼馬、韓國人氣男團EXO成員燦烈、倪晨曦（Elva）、台灣女星歐陽娜娜及歐陽妮妮等，於倫敦時間19日出席當地舉行的Tommy Hilfiger 2017秋冬時裝騷。貴為品牌首位大中華區形象大使的余文樂坐頭排睇騷，同一行更有F1賽車手咸美頓（Lewis Hamilton）及以破世界紀錄的2.22億歐元（約20億港元）轉會費、從西甲豪門巴塞隆拿轉投法甲勁旅巴黎聖日耳門的球星尼馬，首次睇騷的余文樂趁機向二人集郵，他大讚尼馬球技了得，年輕又靚仔，兩人傾談了一會，談論倫敦有何美食和好去處。

家人冇催 未定婚期

去年在社交網承認與台灣皮帶大王千金兼女星王棠云拍拖的余文樂，被問到何時有結婚計劃？他坦言：「結婚有諗，但未有答案。（點解？唔係已經有對象？）因為太忙，家人冇催我結婚。（有傳女友嘅爸爸有財務問題？）呢個問題我唔答喇！」余文樂更與品牌設計師Tommy Hilfiger見面，除分享共同興趣滑雪外，更教Tommy「我愛搖滾樂」的普通話，對於時裝騷中有馬戲團雜技表演及歌唱表演，他大讚精彩。而Tommy就直指余文樂是完美的Tommy Guy：「佢靚仔又時尚，鍾意音樂、運動和車，同品牌風格好相似。（有睇過其電影？）當然有！」

余文樂與F1賽車手咸美頓同屬愛車之人，當然趁機密斟。	余文樂首次睇騷就獲安排與尼馬（右）同坐頭排。	燦烈

恐襲陰影 檢查手袋

此外，由於倫敦早前發生恐襲，所以賓客或媒體入場前都必須檢查手袋，惟未見持槍警員在現場守衞。已第三度欣賞倫敦時裝周的Elva，坦言當地發生完恐襲後，同晚便在港上機前往倫敦：「喺英國嘅朋友叫我唔使擔心，不過我都盡量少去多人嘅地方，只係行路或者坐大會安排嘅車。」又大讚余文樂有親切感，自己想推出瑜伽服裝品牌。

現場氣氛熱鬧得像嘉年華一樣。

歐陽娜娜（右起）、倪晨曦及歐陽妮妮交流打扮心得。