壓力爆煲 王君馨曾患暴食症

藝人王君馨日前接受電台錄音訪問，提到2007年主持無綫節目《日日有食神》後遭網民狠批，君馨坦言當年中文水準太差，只識講好味同好食，故令觀眾覺得她浮誇，她無奈說：「都幾無助，有時候會匿埋一邊喊。」並自爆因壓力爆煲搞到患暴食症：「自己開始變得好假，冇辦法，因為被抨擊時仲要笑住話以後會做得好啲，其實內心好唔舒服同唔開心，搞到唔夠膽去餐廳食飯，日日喺屋企不停食。」她透露焦慮及暴食情緒維持近一年：「最肥時有127磅。」