《閨蜜睡房》：一年被放30次飛機 袁嘉敏唔再主動約仔
擁有34D身材的性感尤物袁嘉敏（Candy）以貼身睡衣亮相東網巨星節目《閨蜜睡房》，與主持Kiwi傾密偈，擁有驕人上圍兼靚樣的Candy，理應不乏裙下之臣，然而她卻遇到不少「心懷不軌」的男士，更大呻曾被人造謠指她「收錢陪客」：「我去福建省做五日嘢，之後有人喺微信開群組話我每晚陪一個人，仲要係兩萬零蚊一晚！之後又話我皮膚唔係咁好，但係啲Service都OK，好似作小說咁，但係啲人又信喎！」
慘無護花使者的她表示已不敢主動約男士出街：「我一年起碼有三十個約咗失約，所以今年新年決定唔再主動約人，失敗率太高。（有冇問番爽約原因？）有個約咗去一間我好鍾意嘅餐廳食飯，我化晒妝之後，佢打嚟話心情唔好唔嚟。」認真慘慘豬的Candy明言真實的自己，絕非如流言或電影中所描述，雖然情路不如意，但她仍然對愛情抱有憧憬！Candy在《閨蜜睡房》真情剖白點可以錯過？大家可透過東網App、東網網頁，隨時隨地收看《閨蜜睡房》。
睇片：https://goo.gl/m79dxK