吳雨霏重情趣 着喱士內衣撩老公

吳雨霏（Kary）、藝人關之琳、關心妍、熊黛林、廖子妤、余香凝、袁澧林及陳漢娜等前晚出席MOISELLE 20周年慶典及2017年秋冬時裝騷。Kary受訪時被問到何時造人，她表示沒有多想，因為要先完成演唱會，又指和丈夫都不心急。至於完成演唱會前是否要分房瞓？她急急說：「咁又唔使。」又透露平時會穿性感內衣給老公看：「呢啲係情趣，我鍾意喱士，性感得來Classy。（點蠟燭？）點蠟燭做咩？（你以為做咩？玩滴蠟？）我唔知你哋講咩！不過我覺得結咗婚都要有情趣同熱情，唔可以只係行街、睇戲、食飯。」Kary表示老公間中會送上驚喜，例如到機場接機，大讚對方作為老公也很努力：「其實我好易氹，我唔需要佢送乜嘢，佢畀多啲時間陪我就開心，因為佢成日飛去工作，但有時長途機，佢留兩日又飛返嚟，都知佢辛苦。」

關之琳睡衣夾羽絨

至於關之琳有份設計Rosamund MOISELLE系列，不過，當她出來謝幕時就輕微絆倒。關之琳表示新作會將睡衣加入羽絨衫，又會有印第安的民族元素，她坦言經常穿民族服裝：「我咩都夠膽着，我鍾意滑雪，而且冬天經常着羽絨，所以就加入自己成日着嘅元素。」

而何鴻燊四房千金何超盈以壓軸身份行騷，她稱今次是首度行騷，心情緊張，自評表現合格，是為好友MOISELLE太子爺陳栢熹才豁出去。

關心妍盛裝出席時裝騷。	熊黛林表示不會傳短訊恭喜郭富城。	陳栢熹（中）率關之琳（前排右）及何超盈（前排左）和眾模特兒一起謝幕。

熊黛林唔恭喜城城

同場的熊黛林透露最近忙於籌備與老公郭可頌合作的時尚運動品牌，更夫妻檔上陣影宣傳照做生招牌。提到有傳其前度郭富城最近升呢為人父，她坦言：「唔知，未有消息，我唔多事。（如果佢正式公布，會唔會傳短訊恭喜佢？）都唔會，咁耐冇見。（冇聯絡？）唔需要喇啩！」

文：名人組