翁虹「入五」照生 誓追慈姑椗
藝人翁虹（Ewong）慶祝49歲生日，其靚仔老公更安排神秘生日會，令她感動落淚，二人更當眾「咀嘴」，恩愛非常。席間好友起哄叫壽星女再生，Ewong亦希望湊成「好」字，並說：「會努力，生到一定生！」她更透露老公最近被人睇中作幕前演出。
「美魔女」翁虹（Ewong）昨日49歲生日，她的靚仔老公Will特地帶女兒「小水晶」從台灣來港為老婆開神秘派對，並請來一班藝人好友陳浩民、劉玉婷、陳少霞、黃麗梅等出席，壽星女開心得忍不住眼濕濕，並徇眾要求與老公「咀嘴」！席間Ewong表示有「大事」宣布，大家即異口同聲問她是否「有咗」，十分搞笑，其實她預告下年「入五」兼入行30年，屆時要大事慶祝。
老公被邀幕前演出
問到會否應要求生多個？Ewong即笑言：「順其自然啦，最主要都係睇個天，如果畀嘅話會好感恩，依家都好滿足o架喇，但湊到個『好』字就最好！」又說年齡只是數字：「我要顛覆一般傳統對年紀嘅印象！」提到任職營養師的老公Will激似韓流巨星孔劉，Ewong表示之前有片商向她打探，想找Will出道作幕前演出，她說：「好多謝賞識，但老公喺呢方面冇興趣，佢覺得做演員好神聖，鍾意做觀眾多啲。」
劉玉婷無意復出
帶同蔣麗莎及四個仔女到場的陳浩民，力撐好友「生多件」：「如果『入五』整多件係紀錄嚟，同埋佢哋屋企太大喇，又有泳池，成日話屋企得三個人叫我哋嚟玩會冇咁悶。」至於息影多時的亞視花旦劉玉婷過着少奶奶生活，專心相夫教子：「今日好開心，離開呢個圈子好耐，見番一班亞視之友。」現時她有兩子一女，大仔已經十五歲，完全無意復出。
文：影視組