蔡卓妍講多無謂 即撇偷食男
藝人蔡卓妍於新片演譚耀文「小三」，透露現實生活也曾遇過另一半出軌，即使對愛情向來不顧一切，也火速決定斬纜，誓不給予對方挽回的機會。而阿譚則自嘲若婚姻出現「小三」，就絕對逃不過老婆雙眼，必死無疑。
蔡卓妍（阿Sa）與譚耀文前日為英皇電影《聖荷西謀殺案》開工，戲中飾演舞蹈員的阿Sa，與原本已有女友的阿譚譜出戀曲，成為「小三」。二人雖然於12年前在電影曾有群體對手戲，但如今才算真正碰頭，阿譚還指每次看見阿Sa均笑容滿面，令拍攝過程非常愉快。
唔接受大話同藉口
跳唱組合Twins出身的阿Sa，滿有信心指毋須為此角色特別練舞，提到戲中介入阿譚感情，阿Sa坦言現實中絕不能接受：「我唔會做小三，亦唔想另一半有，以前的確遇過，呢個世界好細，同埋女人直覺真係好強，一發現就即分手，唔使問，我唔想聽大話同藉口。（唔會心軟？）我對愛情好投入，會不顧一切，希望另一半都一樣，會珍惜我。」
她表示會以時間療情傷，當新戀情到來時便會忘記過去不快經歷。談到與阿譚拍攝親熱戲，阿Sa笑說：「雖然今日好熱，但放心，我冇（體）味。（男友唔畀你拍親熱戲？）冇，大家互相尊重對方工作，劇情需要就會拍。」
譚耀文唔敢出軌
而客串一天的阿譚，則表示近日同時為三部電影開工，晚晚熬夜搞到聲沙。問到現實可有遇過小三？阿譚說：「如果有（小三），我死咗好耐啦！而且逃唔過老婆法眼。以前讀書時曾同時對幾個女仔有興趣，揀咗好耐先同其中一位發展，所以我嘅戀愛經歷五隻手指數得晒！」
文：影視組