方力申畀阿媽打 喊住過中秋
歌手方力申（Alex）昨日出席中秋活動，他稱佳節正日身在北京開工，提到中秋節難忘事，Alex說：「細個玩到唔肯返屋企，阿媽叫走都唔走，最後阿媽就一巴星埋嚟，跟住咪喊住走囉！不過阿媽都係用手打，痛就一齊痛。（有冇嬲阿媽打你？）又冇喎，驚都嚟唔切，點敢呀！其實阿爸都好惡，佢唔會打，反而攞架生嚟嚇我啫！」
談到前藝人林偉亮出家，法號衍偉，仍不時與圈中人打籃球，Alex表示與對方識於微時：「我9歲時佢已經係南華會游泳教練，我有張相仲坐喺佢嘅膊頭上面影。我哋都有聯絡，算係睇住佢皈依，睇住佢出家，因為衍偉法師係喺慈山寺，我亦係慈山寺義工籃球隊，所以一齊打籃球好多次，佢都同啲年輕人打成一片，佢用好凡人或平民方式弘揚佛法。（你都係佛教徒，有冇諗過出家？）咁就冇，緣分未到。」