諸葛紫岐愛飛車 嚇怕老公
名媛諸葛紫岐（Marie）前晚戴上九卡巨鑽戒指出席晚宴，外表斯文的Marie，自爆讀書時是飆車族：「都鍾意飛車、改車，試過喺加拿大嘅山飛車，點知隔籬車嘅中學同學撞車，返轉頭搵佢好彩個人冇事，但香港唔會啦，好少地方可以做到，特別生咗小朋友，安全要緊！」Marie繼續大爆老公薛嘉麟害怕坐她駕駛的車：「佢會唔敢望前面，因為我開得好快。（老公有冇送過車畀你？）冇呀，但前排生日爸爸送咗架車畀我。（咩車？）未知住，留番我喺美國揸。」
而經常到大陸工作的Marie，提到最近大陸有超級惡菌，會否加倍小心？她說：「之前一家人上過大陸，老公胃痛，但食咗藥就冇事，之後我同個仔去檢查咗都冇事。（有咩預防措施？）平時我食飯都用公筷，同人講嘢會保持適當距離。」
趙式芝爆Sean係控制狂
同場還有名媛趙式芝（Gigi）與波爾錶太子女楊如芯（Sean），Gigi透露Sean愛揸車：「佢係我嘅柴可夫，去旅行鍾意自駕遊，無論去邊都係佢揸成程車。（會唔會幫輕吓佢揸車？）我想幫佢都唔畀，佢係控制狂，會管住人哋點揸車，好乞人憎！」
文：名人組