粉絲面對現實 一天光晒 孫耀威心痛陳美詩被鬧死女人
藝人孫耀威出席首映禮，自爆太太陳美詩當初不為自己粉絲群所接受，經常被人身攻擊，令他心痛，幸而婚後雨過天青，守得雲開！
冼國林執導的新片《我們的6E班》前晚舉行慈善首映禮，主演的孫耀威（Eric）、葉芷如、陳欣妍、方力申、洪天明及麥長青等撐場，鄭少秋壓軸現身支持，首映後再移師旺角慶功。對於太太陳美詩「失蹤」，Eric解釋：「佢幫我睇住舖頭，有諗過遲啲包場同粉絲一齊睇戲。」他又忽然表示婚後太太才為粉絲群所接受：「以前有粉絲鬧佢死女人、睇你幾時死，更甚嘅會爆粗，說話要幾難聽都有，仲有粉絲着三點式，甫相話自己身材比佢好！」
周家蔚「食詐胡」
Eric坦言曾因激進留言而封鎖某些粉絲：「當時睇到好心痛，兩邊都係愛我嘅人，但可能依家已成定局，大家理智嘞。」他又指《我》片尾段才與葉芷如產生感情，似為續集埋下伏線。慶功宴上，冼國林被追問會否開拍《我》片續集？他說：「票房過1千萬先，劇本都喺度，我好有信心，單係朋友買飛支持都過200萬嘞。」新人陳欣妍飾演問題學生：「有場戲講我喪鬧後母黃奕，拍到全場冇晒聲。」稍後她轉打女形象參演《辣警霸王花3》，談到《辣》片第2集只剛剛開工，她靦腆說：「係咪唔講得住？總之我要受訓幾個月準備。」
洪天明與太太周家蔚拍拖現身，家蔚明顯瘦了一圈。天明被問會否再生時說：「爸爸（洪金寶）想抱女孫，如果係會係呢兩年嘅事。會去外國睇醫生，肯定係生女先得，我依家傾緊去美國拍嘢，係就順便搞埋。」家蔚自爆早前以為有孕，天明謂：「佢叫我買驗孕棒，我即刻諗幾時嘅事，最後發現搞錯咗。」
文：影視組