姚子羚「線」動粉絲尖叫！

藝人姚子羚與陳山聰昨日首次以情侶檔到尖沙咀出席活動，子羚以運動Bra Top谷胸騷三吋「事業線」，令粉絲尖叫不斷！提到前晚在無綫熱播劇《同盟》中成婚，子羚指場面感人睇到眼濕濕，山聰則透露被摑一幕是子羚要求加插：「打者愛也！」希望繼續以情侶檔搵銀。問到山聰女友Apple前晚有否收睇，子羚即搶閘說：「Apple有冇拎番隻戒指出嚟？睇吓係咪大過佢嗰隻！」山聰即澄清未買求婚戒指：「子羚就有人送，我就要自己買！（女友有冇話求婚時要好似拍劇咁浪漫？）佢好實際，即係都要浪漫嘅，但唔使好似拍劇咁！」