35E白雲潮爆人妻想拍Kiss戲
婆媳糾紛一直都是千古難題，要與奶奶和平共處是一門高深的學問，不過對於無綫35E咪神白雲來說卻輕而易舉，全因奶奶夠潮。雖然白雲經常性感示人，老公亦毫無怨言，開心有個思想開放的好老公，身為人妻的她直言恨拍「咀戲」！
擁有35E驕人身材的藝人白雲，早前演出無綫劇集《不懂撒嬌的女人》而人氣急升。雖然去年她已下嫁曾參選香港先生的江俊霖，仍吸引不少粉絲封她為女神。
不少人婚後，都會遇到最難解決的婆媳糾紛，白雲就表示與奶奶相處簡單、舒服，她形容自己是世上最幸福的媳婦，因為有個潮爆奶奶：「我老爺奶奶好新潮，佢哋畀好多空間我哋，同其他老人家係完全唔同！而且我奶奶諗嘢好樂觀積極，畀好多正能量我，奶奶永遠是最強的後盾。」
冇生B壓力
白雲坦言婚後生活並沒有太大的轉變，最大轉變反而是家人，母親與姑媽都十分疼錫她，知道她出嫁，亦十分安心，她笑言家人的重心反而轉移到她老公的身上：「佢哋成日都會提起我老公，佢哋嘅重心好似去晒佢度，不過我都唔會呷醋嘅，我知都係為我好！（打算幾時生小朋友？）其實老爺奶奶都想抱孫，不過佢哋唔會畀太大壓力，因為佢哋已有兩個孫。加上我同老公都想喺事業上再畀多啲心機，希望準備一個好嘅環境去畀小朋友成長。」
「Enjoy我嘅工作」
白雲的老公江俊霖曾參選香港先生，雖然現任職建築師，亦算是半個圈中人，問到白雲經常拍攝親熱戲及性感示人，會否令老公不滿？她指老公自小在外國讀書，思想較為開放：「佢會覺得呢個係我工作嘅一部分，我係去Enjoy我嘅工作，同埋我入行以嚟淨係拍過一次Kiss戲，所以好想再試多次！至於性感方面，其實佢覺得性感唔係問題，性感都係一種美，不過一定要高貴，着出嚟個效果要靚！」
文：專案組
攝：黎志輝
場地：Wired cafe
鳴謝：Barry@J&B Ent