曹思詩比堅尼狂人收埋200套泳衣
今夏推出火辣寫真的藝人曹思詩（CC）擁有Fit爆身材，但她自嘲是大食妹，即使早前拍寫真期間都冇戒口，果然天生麗質！CC平日也喜歡在網上晒泳照，她自認是「比堅尼狂人」，家中儲了近200套泳衣，更情傾少布Top及T-back褲仔，因更能凸顯身材。
曹思詩（CC）擁有C Cup上圍及圓渾蜜桃臀，早前推出個人寫真集，主題是帶Fans同遊十個香港沙灘，CC演繹多套比堅尼大晒迷人身段，感覺充滿陽光氣息。
CC表示近年愛上曬太陽，喜歡買不同款式的比堅尼，經常網晒泳裝照的她笑言不會着同一件泳衣出鏡，因此家中儲了近二百套泳衣，絕對是「比堅尼狂人」！講到買泳衣心水，CC偏好少布及T-back，認真疏爽！她說：「下身鍾意T-back款，曬得均勻啲之餘，如果包太多就睇唔到個臀部嘅蜜桃形，冇咁靚，香港女仔可以試吓！（對自己身材有信心？）趁青春、身材仲OK嘅時候影多啲，等老咗睇番都知自己曾經靚過吖，不過其實我身材仲有好多進步空間，我畀自己70分咋！我想腰同腿再瘦啲再Firm啲。」
揀男友？大隻仔加分！
自認為食妹的CC算是食極唔肥，她笑言食量驚人嚇親男仔，即使拍攝寫真期間都沒有刻意節食，寧願多做運動出汗收身：「我唔係宅女，一放假就會去做運動，去滑浪或者做瑜伽，一個人去都唔覺得悶。」CC揀男友都要運動型，直言有朱古力腹肌絕對會加分：「之前啲男友都係運動型，我唔鍾意打機宅男，大隻係會加分，但樣唔係最重要，我鍾意人孝順父母、上進同鍾意小動物。」
Profile
曹思詩（CC）
年齡：25歲
三圍：32C、24、33
身高：1米63
體重：42kg
文：立影
攝：吳文聰