李亞男傳授御夫心得
苟芸慧好事近，其好姊妹李亞男（Leanne）笑言經常催婚：「我哋成班姊妹都催緊佢，當然都有一半係講笑嘅，最緊要佢哋感情好，適當時候就可以拉埋天窗，我哋都會祝福佢哋。」問到有否傳授定夫妻相處之道給苟芸慧？Leanne說：「有，煮飯、做太太心得都有，希望佢可以做一個好妻子。」
另外，Leanne到老公王祖藍公司旗下藝人瑪姬有份投資的髮型屋Set頭，瑪姬得悉老闆娘駕到，專誠抽空接待，又互相分享讀書時的趣事。Leanne亦與瑪姬大談夫妻相處之道，不過卻因為廣東話不靈光，經常鬧出笑話。瑪姬稱：「老闆娘無端端同我講老闆『執咗』，我就好好奇，老闆咩事『執咗』，後尾先知原來佢想講老闆『執到』。」