藝人林雅詩（Grace）與趙頌茹昨日以低胸露肩花裙為新片試造型，Grace說：「我三十幾個造型，要性感Cosplay，仲會講我飛車飄移，未知係咪自己揸番，可能返內地拍。」月前在馬來西亞「被搶劫」的她說：「已經完結，完全冇問題，可以自由出入，公司解決咗，會再去當地做嘢，遲啲會再安排過去。（要向不滿你嘅當地團體道歉？）冇需要，事實大家知，唔講得啫，公司發咗聲明，已告一段落。」
