楊埕獨立宣言唔靠男人

有「清純張栢芝」之稱的24歲藝人楊埕（Sabrina）今年4月與龐景峰分手，回復單身的她認為女性要有事業及積蓄，對自己才有保障，並透露早年已在珠海置業：「年輕人唔使灰心，香港買唔到樓唔緊要，可以喺內地置業，等升值之後可以返港再投資，上車就較容易。」她表示當年只花6位數置業，至今已升了一倍：「其實香港好多人畀得到呢個數，至於裝修費用亦好平，我用咗兩萬蚊港幣都冇，就完成裝修同買傢俬。」

不想離開家人

讀過設計的Sabrina表示所有家具全於網上購買，不但價錢便宜，而且送貨時間非常快，她還向大家送上室內設計小貼士：「可能大家會話唔識點擺位，其實只要家具個tone差唔多，例如搵啲白、灰、米黃色嘅家具，成間屋就會好柔和，唔會有強烈對比，就會住得舒服，亦唔會過氣。」她指此屋留來給家人及朋友度假，問到何時在港置業？她直言不捨得離開家人：「慣咗被人照顧，媽咪成日煮飯有靚湯飲，唔捨得離開呢個家。（做業主收租？）如有機會當然想，女仔始終靠自己！做藝人係興趣嘅一部分，因為細個嚮往做明星，覺得好靚、做嘢好開心，但只係興趣一部分。始終喺香港生活有一定嘅壓力，大家讀咁多書，可以諗吓其他發展，即使將來嫁人都唔係完全靠老公。」

楊埕是工作狂，將來婚後亦會繼續發展事業。	楊埕自小已嚮往娛圈的花花世界。	楊埕與龐景峰因性格不合而分手。

勉強冇幸福

談到愛情觀，Sabrina坦言經一事長一智：「細個會好執着對方唔覆我電話，但依家覺得係你就係你，勉強反而仲衰，愈急去搵就愈容易分手。」

化妝：Eliza Tang@Willmakeup

場地：点心代表

文：馮雪怡

攝：劉斌