三子女首次行騷楊諾思：畀佢哋感受吓

藝人上山詩鈉女兒Hilary與英皇鐘錶珠寶主席兼行政總裁楊諾思，昨日出席英皇珠寶Heartbeat心動系列新品發布會，楊諾思的三名子女23歲大仔張高銘（Justin）、20歲二女張一諾（Jasmine）及17歲細仔張高翔（Jonathan）首次行騷任模特兒。楊諾思說：「子女今次行騷係冇酬勞，畀佢哋感受吓同知道家族做咩珠寶。（會唔會畀子女入娛樂圈？）佢哋開心、有興趣先，大仔都做緊電影。」Justin說三兄妹會合作拍戲，安排弟妹做「茄喱啡」，笑言會寫劇本捧紅想做演員的弟弟！
Hilary做模特兒行騷，有板有眼。
Hilary做模特兒行騷，有板有眼。

Hilary透露9月回美國讀第三年大學，她會將今次賺得的酬勞，買禮物送給月底生日的媽咪。有報道指梁家輝禁止女兒梁穎晨入行，身為好友的Hilary並不清楚，相信對方的家庭應該Open。問到若媽咪反對入行？她說：「我唔會堅持到底，努力做佢會支持我。（支持拍拖？）男仔對我好就得，好欣慰媽咪唔會點阻止我。」

楊諾思（左二）讓大仔張高銘（左）、二女張一諾及細仔張高翔一試做Model滋味。
  • 楊諾思（左二）讓大仔張高銘（左）、二女張一諾及細仔張高翔一試做Model滋味。