梁漢文飲大海欖持久啲？！
歌手梁漢文為演唱會保靚聲，當年聽從老友許志安介紹「生吞蛇膽」，今時今日則聽媽媽建議改飲大海欖涼茶，大讚「韌力持久」Keep住到尾。
梁漢文（Edmond）昨日為本周五（18日）在九展舉行的《梁漢文我的另一半音樂會》進行綵排，他唱完一首歌後即拿起一支涼茶潤喉，並說：「係大海欖嚟嘅，阿媽話粵劇界嘅大老倌都係飲呢啲，應該係護聲啦！之前一次演唱會都有飲，發覺把聲韌力好好多，以前唱到演唱會尾聲，把聲已經拉到好緊，但飲咗佢之後，唱完把聲仲有找。」他自爆為護聲最瘋狂是1999年演唱會，好友許志安介紹他生吞蛇膽。問會否怕補錯身體某位置？Edmond笑言：「唔會，但都唔記得食完蛇膽嘅效果，之後亦冇再試。」
重要部位亮燈
Edmond表示最重要Keep到體能，因今次是四面台又有長Catwalk台，雖然不用跳舞，但都要體力在台上走來走去，加上其中一個造型是由太太設計的「燈衫」，他自言很期待。問會否於重要部位亮燈？Edmond笑說：「我重要部位係胸肌，到時啲燈圍繞住，顯示我個胸嘅豐厚度畀大家睇。」另外談到其拇指被鎅傷，他表示在家中不慎被蠟燭台的邊鎅到，當時血流不停，要敷冰才能止血，這幾天不敢練琴，但應該不會影響演出。
文：音樂組
攝：李柏儒