張兆輝包到冚游繩焗住搵命博
張兆輝及苗僑偉（三哥）兩位型男昨日與一眾邵氏網劇演員，於酷熱天氣下以全副裝備上陣拍攝游繩戲，不怕中暑可謂搵命博！而穿飛虎制服的高海寧笑言不怕焗親「咪咪」。
苗僑偉、張兆輝、高海寧（高Ling）及吳卓羲等昨日在酷熱天氣下，以全副飛虎裝備於西貢拍攝邵氏網劇《飛虎極戰》，高層樂易玲亦有探班撐場。劇組安排直升機拍攝游繩而下拯救人質及對付恐怖分子的場口。
苗僑偉學開槍身水身汗
三哥與張兆輝兩位型男齊齊接受訪問，二人經常於烈日當空下踢足球，訓練有素，不擔心中暑。張兆輝透露今次有海陸空戲份，其中一場他要一個打幾十個。動作與槍戰戲都不少的三哥則坦言開槍好辛苦，他說：「開槍都要學，都係身水身汗。（有冇瘦到？）輝哥直頭Fit到漏油。開拍咗兩個月，個個都Fit咗！所有演員依家係頂峰。」
高Ling唔驚焗親「咪咪」
身材好的高Ling穿上整套飛虎裝備示人，她笑言不擔心焗親「咪咪」，今次是包得最密實的一次。她稱用了半小時穿飛虎制服，還要跟三哥及吳卓羲學揸槍正確手勢。
同場的黃宗澤表示前日拍了一日游繩戲份，慶幸未有手痹，但就愈拍愈瘦：「我試過一日輕兩、三磅。聽講租架直升機好貴，18萬租一個月。」而身旁的吳卓羲即搞笑說：「我覺得有啲凍添！心態上一定話畀自己聽係凍先冇咁熱。」曾多次飾演飛虎角色的吳卓羲指穿起裝備手到拿來：「有晒辛苦嘅記憶。（幫你重溫？）隔幾年拍一次唔緊要，但年紀唔係隔幾年前嘅我。」
文：影視組