陳昭昭玩翻撻 年底嫁「瞞婚」男友
藝人陳昭昭去年原本計劃跟拍拖兩年的李姓男友結婚，豈料發現男方當時已婚，被蒙在鼓裏的她感到傷心不已，最後分手收場！估不到事隔半年，事件竟有戲劇性發展！日前，陳昭昭現身婚紗店睇婚紗與裙褂，明顯好事近，她接受電話訪問時大方承認與李姓男友已復合，更將於本年底結婚！
「岳父」政策得米
問到李先生是否已辦妥離婚手續？昭昭說：「以我所知佢離咗婚、搞清楚晒啲嘢，同埋佢用咗好多方法追番我，我先同佢喺番埋一齊。」至於對方用甚麼方法打動她？原來是出動家人政策，她說：「日日打電話嚟噓寒問暖，又搵我個妹做和事老，同埋特登飛去柬埔寨探我爸爸兼道歉。」經過一番苦功，昭昭決定重新接受男友。
她又分享早前男友求婚時發生的小插曲：「有一日我病咗，佢買咗盒揚州炒飯畀我食，我食咗幾啖食唔落丟咗，佢即刻好緊張咁摷番，原來裏面有一隻一卡嘅戒指，佢想向我求婚，我見到佢個樣真係哭笑不得，最後就應承咗。」
文：影視組