王馨平攬垃圾袋上機

歌手王馨平昨日接受電台訪問，剛由美國登台返港的她坦言遇到貴人：「登台期間有一個星期空檔，我就飛去加拿大探妹妹同佢三個女，點知去到航空公司Check in，我唔知原來持香港特區護照飛加拿大要先行網上登記簽證。好在航空公司有個女職員主動幫忙，叫我即刻上網登記、攞簽證，並幫我致電有關部門跟進取得簽證，搞完Check in後航班快關門，個女職員就話，若果我唔帶行李上機可以立即登機，我即刻打開行李箱，將內衣褲及部分送畀妹妹嘅禮物放入垃圾袋，抱住垃圾袋上機！」其後馨平更去信航空公司表揚該女職員。