苟芸慧裕美生日無懼相沖做姊妹
王君馨補辦婚宴，好姊妹苟芸慧（苟姑娘）與裕美昨日生日，二人無懼紅事相沖同為Grace擔任姊妹，苟姑娘直言羨慕Grace：「佢兩個咁Sweet，咁多朋友喺同一場合好開心。」一眾好友姊妹中只有她仍未嫁，她說：「仲有中華小姐嘅朋友都未嫁，自己又未Ready結婚。」她不諱言生日願望是希望將來有個Sweet婚禮，男友陸漢洋仍未送上生日禮物，她說：「完咗婚禮會同佢一齊慶祝！」
昨日的婚宴星光熠熠，有陳凱琳、陳靜、唐詩詠、莊思敏、孫耀威夫婦、黃日華、沈卓盈等出席，與鄭嘉穎蜜運的陳凱琳大讚婚宴場地漂亮：「對住個海好Relax，安排得都好好。（送咩禮物畀君馨？）都係啲實際嘢。（為自己的婚禮取經？）哎呀！有消息會話畀你聽！」
