樓南光同老婆仔影裸照當情趣
藝人樓南光及林芊妤（Coffee）等日前主持奇妙電視節目，期間現年63歲的樓南光聲稱經常被「18歲」內地女友影裸照，在節目中表示：「我都成日畀大陸嗰個18歲女友影裸照！佢影嚟想提醒我減肥！我唔驚裸照流出去，成隻豬咁，都唔會有人信係人嚟！」
女友年輕逾18年
曾經歷一次婚姻並於2008年離婚的樓南光事後回覆本報，澄清有位比他年輕逾18年的女友：「做節目就要語不驚人誓不休，我誇大其詞啫，我『老婆仔』係細我起碼18年！我當時拍節目反駁緊啲拍檔，唔通話我同個60歲阿婆影裸照咩？（你同女友真係會影裸照當情趣？）一定係啦，唔搞呢啲嘅話，真刀真槍嚟得幾多次？」
Coffee被要求拍床照
而同場的Coffee亦坦言曾被男友要求在沒穿內衣的情況下拍床照：「雖然當時有着屋企衫，但冇着內衣！」語畢呼籲其他女生要學懂保護自己。問到有否保留前度物品？Coffee坦言不會食回頭草：「諗番同前度一齊都會惡心，好似當年分手我都擲番隻求婚戒指畀佢！」
文：影視組