蔡一智插袋Chok爆 祖兒 傑仔黐身變孖條

容祖兒身穿透視長裙撐場，高貴大方。

當三人行星光大道時，見阿智步履輕盈，型爆雙手插袋，傷勢明顯好轉，而戴上粉紅色假髮的蘇志威就真空着低胸西裝褸，蔡一傑就更爆，穿緊身長裙配六吋高踭鞋，三子當行catwalk一樣，當草蜢遇上擔任頒獎嘉賓的容祖兒時來個大合照，阿傑和穿上半透長裙、騷長腿的祖兒身貼身零距離接觸，十足一條孖條。阿智在出發前表示：「醫生話得我進步得好好，話因為短途，所以畀我上機。我準備咗一個好好嘅心情去睇呢個頒獎典禮，因為我知道大會邀請咗好多出色嘅音樂人去做表演！」

• 容祖兒與草蜢合照，與蔡一傑似足一條孖條。