暗示刺殺特朗普尊尼：依家係時候！

曾玩變裝嘲諷美國總統特朗普（Donald Trump）的54歲影星尊尼特普（Johnny Depp），前日現身英國Somerset Festival時對着約1,500名觀眾大講有關演員刺殺美國總統的故事，話題夠晒惹火！他坦承言論可能會搞到見報兼好大鑊，但仍問觀眾：「對上一次有男演員刺殺總統係幾時？」台下即傳來歡呼叫囂，尊尼再「戴頭盔」解釋：「我要澄清我唔係演員，我係靠講大話嚟搵食。」他暗示的其實是美國戲劇男星John Wilkes Booth於1865年刺殺時任美國總統林肯（Abraham Lincoln）一事，後來又講：「已經過咗一段時間，依家係時候！」