父母大整蠱？陳芷尤貪靚食雞籮柚
無綫女藝員陳芷尤擁有34C索身材，是不少男士的夢中情人，在新加坡長大的芷尤自小已是一位小美人，面對鏡頭就自然擺出Chok甫，更曾任童星model，她笑認細細個已相當貪靚：「我本身唔食魚，但父母話皮膚靚，我就逼自己食，仲記得佢哋整蠱我話食雞籮柚對皮膚好，我又真係食咗！」
芷尤兒時已培養出好動性格，周身郁冇時停，喜歡游水、跳舞及彈琴，她笑說：「有一段時間成日游水，曬到好黑，有日我着住馬拉服裝探婆婆，佢一時間真係以為我係馬拉人！」
舞功了得的芷尤自小學習芭蕾舞考到八級，其後又轉學其他舞種，難怪長大後體能甚Fit，拍攝打戲及吊威吔都應付自如！