鄧洢玲哥基撞門自困廁所

藝人鄧洢玲（阿旦）擁有兩隻8歲大哥基愛犬，分別是東東及發發，她說：「佢哋係兩姊弟，個名係嚟自麻雀，當日係我親手接生，佢哋爹哋媽咪都係我之前養嘅，一胎7隻，東東嘅臍帶係我親手剪。」阿旦一直有教愛犬在家中的洗手間去廁所，因有時她夜返或落雨，她就不想帶牠們落街。她笑說：「最近比較得意嘅係，發發有時會喺浴缸去廁所，我個浴缸好矮，但可能佢對腳短，跳番出嚟都會撞埋咗道門，將自己困咗喺廁所，好搞笑。」她又表示每晚都跟兩隻愛犬一齊瞓：「我好錫佢哋，會攬埋佢哋一齊瞓，佢哋好似人咁，朝早一起身就見到佢哋瞓喺枕頭對住我。」