嘉穎撲返港慶祝陳凱琳冧滋滋

壽星女陳凱琳（Grace）昨日生日仍要開工，於九龍灣出席活動後，與經理人乘車返回電視城，逗留約15分鐘，與經理人各拿着兩大袋東西現身，候車期間，心情大靚的Grace見到記者拍照，即笑到四萬咁口舉V，任影唔嬲，期間亦不時撳電話，未知是否向男友鄭嘉穎報告行蹤？問到嘉穎是否已返港一同慶祝？Grace雖沒有正面回答，但全程嘴角含春笑咪咪。直至座駕駛至，她與經理人擁抱道別，再乘車直達與嘉穎位於大坑的愛巢。

出動紅色法拉利

至晚上7時半，嘉穎駕駛450萬元紅色法拉利戰車，載住Grace離開愛巢，前往跑馬地名人飯堂Amigo歎法國菜，二人穿上黑白情侶裝，壽星女Grace落車後全程笑咪咪，之後隨男友入內撐枱腳慶祝。至晚上10時，撐枱腳撐足兩個半鐘的Grace與嘉穎步出，Grace手持餐廳送的玫瑰，問到男友送了甚麼禮物？她笑說：「呢個囉！」之後嘉穎再做柴可夫載女友返愛巢繼續溫馨。

放大圖片	撐完枱腳，鄭嘉穎駕駛法拉利戰車，載陳凱琳返愛巢。	放大圖片

而昨日活動上，Grace獲大會送上蛋糕及鮮花，問到生日願望？她說：「開開心心健康，今晚同嘉穎食飯，可能有Surprise 。」又表示已收到男友送的實用禮物。至於晚飯會否收到戒指求婚驚喜？她說：「唔會，有共識。」同場的前港姐冠軍曹敏莉笑說：「（求婚）冇人會知。」Grace即說：「都好喎，講笑啫。（幾時嫁？）順其自然。（會唔會旅行慶祝？）佢忙喺大陸拍劇，我喺香港拍新劇，佢特登喺大陸返香港兩日幫我慶祝，我知道佢好攰辛苦。」

昨日完成工作後，陳凱琳心情勁靚趕返嘉穎寓所。

兩位前港姐冠軍曹敏莉（左）與陳凱琳均有留意港姐面試消息。

文：名人組

攝：追蹤組