麥明詩鼓勵「佛地魔」 搵其他方法證明價值
「十優港姐」麥明詩（Louisa）昨日到灣仔出席活動，表示有留意今屆港姐首輪面試，知道張寶兒胞妹有參選。而另一位佳麗Zoe To則是其演戲班的同學，她大讚對方有潛質：「佢個樣可塑性好高，做演員好適合。」
講到佳麗整體質素，Louisa笑言「年年都係咁上下」：「同我嗰年差唔多，你哋自己定義好定唔好啦，咁我覺得有幾個靚過我嘅！（有幾位外籍佳麗喎！）係呀，香港係國際社會，應該鼓勵佢哋參加。」至於有參賽者貌似佛地魔，疑整容致間尺鼻，Louisa笑說：「唔似，間尺長啲！（佢係短嘅間尺囉！）咁佢（個鼻）都有起伏嘅。（自然啲好啲？）明白喺呢行想增加競爭力，我入行後都好自卑，發覺身邊有太多人靚過我，但要接受自己唔可能係最靚，應該搵其他方法證明自己有價值。」
