Celine受《全美一叮》約束全球禁接Job
「香港小巨肺」譚芷昀（Celine）在節目《全美一叮》憑Celine Dion名曲一唱成名，人氣急升的她獲電影及廿多個活動邀約，可是因與節目有約在身，故現時Celine全球的一切工作都要暫停！
年僅九歲的「香港小巨肺」譚芷昀（Celine）近日參加美國才藝真人騷《全美一叮》（America's Got Talent／AGT），憑獻唱偶像國際天后Celine Dion的經典作品《My Heart Will Go On》而爆紅。節目播出後引起極大回響，年紀小小已非常唱得的Celine人氣急升，據知成功晉級的她吸引大量工作埋身，如有台灣電影想邀她演出，亦有二、三十個活動邀約，但現時全球的一切工作都要暫停！
記者昨日聯絡Celine經理人公司老闆蕭定一，他承認Celine獲多方邀約，但因參加了《全美一叮》，有些工作要美國節目方面批准，而節目亦希望他們在未知賽果前都不要接job，故現時Celine的所有工作都要叫停，直至有賽果為止。
晨早落機趕返學
順利晉級的Celine，昨日上午六時許在爸爸譚順生（Steve）陪同下現身機場抵港大堂。兩人從美國洛杉磯返港，未知是否想避開傳媒追訪，原定行A閘通道的他們突然改由B閘出來。而對於任何有關撬薛家燕學生及被質疑個人資歷等的誠信問題，Steve一概表示不回應，只謂Celine趕住返學：「專登趕返嚟返學，返學好緊要！我個女好鍾意返學！」問到近日有很多負面新聞可怕影響囡囡參賽？他只表示：「Thank you，最緊要係AGT。」而問到Celine心情如何？她笑笑口表示：「好開心！」問到下次參賽會唱甚麼歌？Steve則謂未能透露，但有廿多首歌揀選中，之後兩人登上黑色七人車離開。
譚順生已捐8萬學費
直至下午四時半左右，見Steve與同事步出公司門口，似乎是返完公司開會，離開時見他到咖啡店買咖啡，沿途與同事有講有笑。步出咖啡店的他，被問到近來是非纏身心情可有影響？他只謂剛從美國回港很累，星期日出活動時會把一切交代清楚。講到撬學生風波他曾表示會捐出8萬元學費，他說：「今日已經做咗，到時會交代。」問到可會出示證據？他只顧搵的士，未有回應。問到囡囡可知爸爸是非纏身？他說：「佢好少理，顧住讀書同忙自己喜好，即係唱歌。（安慰你？）冇乜嘢，多謝大家關心，都係做番正常自己嘢，又忙教唱歌。（日常生活同心情冇受影響？）冇乜嘢。（網友起底唔開心？）證實唔到o架嘢係謠言，星期日會交代。」最後以趕住教唱歌為由，跳上的士離開。
文：音樂組