謝婷婷爆甜蜜戀事
藝人謝婷婷昨晚出席活動，與曾合作拍內地真人騷一齊打網球的袁詠儀（靚靚）喜相逢，兩人互笠高帽，期間婷婷忍不住讚荷里活影星男友「鷹眼」謝洛美維拿（Jeremy Renner）亦是運動健將，除身手敏捷外，音樂亦很耍家，在她眼中可謂文武雙全，婷婷更罕有詳談拍拖生活，將戀事大公開，她甜絲絲說：「如果喺洛杉磯自己會上電影班，有時間就見面，一齊喺屋企睇戲食飯，佢就玩音樂打鼓、彈琴結他，我做聽眾。」
靚靚笑仔仔殺雞聲
問到異地戀如何夾時間更快見面？她說：「我會工作先，有時佢唔開心，唔知佢支唔支持我只顧工作，for我，相距咁遠係好，因為我要做電影試鏡，準備工夫，佢都唔使試，我覺得佢想身邊有人陪佢。」
靚靚透露兒子魔童希望將來做遊戲機達人，為培養兒子做IT人，去旅行時，別人會帶小朋友去博物館，她則帶兒子看電器，但指魔童沒歌唱天分，把聲以殺雞聲。靚靚又自爆曾將魔童交託給經理人，結果兒子腸胃炎，故覺得父母帶子女會較安全。
同場的諸葛紫岐透露暑假一家三口往美國旅行，提到9歲小巨肺Celine唱歌爆紅，諸葛指老公薛嘉麟禁兒子入行，連廣告亦謝絕。至於名媛薛芷倫早前受訪時大爆在離婚與患癌期間，好友離她而去，金蘭姊妹L太更當眾向她捽面侮辱，但薛芷倫堅拒透露對方名字，並指已放下。