邱李茂琪繪山水畫冰封花季

名媛邱李茂琪（Margaret）畫油畫多年，曾到維也納開油畫展，而每幅畫作都有其個人肖像，成為作品特色。近日她轉變口味，由西洋畫轉而繪畫中國山水畫！Margaret於12歲到美國升學，不諳中國文化，但竟然手執毛筆畫山水畫，連身邊朋友都嘖嘖稱奇，她說：「想試吓將西方文化加入中國畫當中，幅山水畫都畫咗自己喺度，但要好細心先見到。」她透露突然興起畫中國山水畫，全因早前到日本觀賞櫻花時得到啟發：「全世界啲人都去追櫻花，趕及花期前賞花，曾經諗過不如喺屋企種櫻花，但花期有限，種櫻花不如用畫紙畫低，就係咁慢慢變咗畫山水。」

憑空想像設計耳機

除了畫畫陶冶性情外，Margaret亦愛珠寶設計，繼創作智能手錶鑽石錶帶及鑽石放大鏡後，今年創作了鑽石無線耳機，她說：「無線耳機搞發布會時，我喺紐約，仲未見到實物，只係憑想像做設計。比較之前兩個創作，呢個係最難做，因為唔可以影響到耳機本身嘅功能。我搵老公同仔做白老鼠，搵佢哋試機，其實我乜都搵佢哋試，要知用家感受。」

邱李茂琪早前設計鑽石耳機，連碧咸嫂都是用家。

創意多多的邱李茂琪，將櫻花定格觀賞。

計劃搞Crossover

Margaret新作ear rods是在無線耳機鑲上白金、玫瑰金和黑金鑽石裝飾，歌手李克勤已率先體驗產品，而早前來港的碧咸嫂Victoria亦是用家，Margaret透露將與其他品牌有合作計劃：「其實可以有好多唔同嘅Crossover，唔一定要同大嘅歐洲牌子合作，更想同啲up-and-coming嘅牌子合作，成件事後生啲。」

文：名人組