星途兩跌倒譚永浩讀藝訓翻身

擁有親切笑容的無綫藝人譚永浩（Jarryd）甚有洪永城的影子，同樣是主持、唱歌及拍劇樣樣皆能！其實Jarryd已入行一段時間，2004年只得16歲便拍攝劇集《四葉草2＠赤印沙記》，2010年更贏得英皇新秀歌唱大賽冠軍，奈何兩度因經理人公司問題而嗌停事業。其後，他決定報讀無綫藝員訓練班給自己「最後機會」，直認一度情緒低落，但現已變得更有決心：「之前嘅路比較多波折，但我覺得每次都係學習，依家我已經Ready好，有足夠信心行落去！（鍾意唱歌、演戲定主持多啲？）老土咁講，三樣都鍾意！不過最愛始終係唱歌，依家有錄吓Cover亦有登台，希望可以唱多啲歌。」