李彩華偷「藍男」師學定御夫術
藝人李彩華在內地發展順利，最近更獲邀為綜藝節目擔任嘉賓主持，有機會與台灣著名主持吳宗憲合作之餘，更有幸與嘉賓王祖藍、李亞男及鍾麗緹聚舊，她笑言節目中向他們偷師學懂夫妻相處之道。
內地拍劇一部接一部忙個不停的李彩華（Rain），早前獲邀為內地綜藝節目《開心相對論》擔任10集嘉賓主持，有機會與台灣著名主持吳宗憲合作，她坦言獲益良多：「做主持對我嚟講係個新嘗試，吳宗憲出名係名嘴、口才好，喺佢身上學到好多嘢。」
Rain表示節目中要以霸氣形象示人，說話直接、態度剛強、絕不客氣及留手：「王祖藍做嘉賓嗰集，初時都有啲擔心，因為佢出名口才好，好彩大家都配合得好好，我仲有機會反駁到佢！（擔心得失朋友？）唔會！我個角色扮演要係咁樣，佢哋都明白。」
讚鍾麗緹凍齡冇變過
曾合作電影的鍾麗緹與丈夫張碩倫亦有亮相節目，Rain表示合作過後多年來鮮有見面，今次有機會重聚一見如故，雞啄唔斷：「佢完全冇變過，真係保養得好好。」問到有否向兩對已婚嘉賓偷師學夫妻相處之道？她說：「都有了解男、女之間相處之道，感覺到女仔真係要撒嬌，男方真係會受落，所以我都要學番一、兩招傍身。（有閃婚念頭？）依家工作真係好忙！做節目要一個星期飛上海錄影一次，拍拖都冇乜時間，但就算婚後都會繼續工作，女人都要以事業為重。」
文：專案組