肥媽幫6號「坐月」？！

拍拖下廚之餘，陸浩明（6號）和女友陳詩欣（Ayan）昨日還情侶檔出席鑽飾活動，兩人首次一起站台，6號稱特別緊張。講到情侶檔搵銀？6號說：「多得之前上咗Liza姐（汪明荃）嘅節目，多咗人搵我哋一齊做嘢。（夫妻檔更多人搵？）夫妻檔變咗去賣尿片同奶粉o架喇。（咁要生咗BB先得？）如果結咗婚都諗住生。」他坦言心理和生理都做好結婚準備，惟獨經濟未準備好，想買大一點的地方住才結婚，希望一年內能達成願望。問Ayan想何時結婚，她情深望住6號，說由男友話事。6號笑言經常被契媽肥媽催生B，更口快快將「陪月」說成「坐月」：「肥媽話到時幫我坐一個月嘅月。（陪月呀？）係喎，陪月……肥媽肯嘅話，陪一個星期都夠，淨係食肥媽煲嘅補品應該唔少嘢。」