再做老竇應昌佑湊成「好」字

歌手應昌佑（Charles）昨日在公開網誌上載剛出世的囡囡相片，宣布再做老竇，與三歲半囝囝湊成一個「好」字。Charles接受電話訪問時透露囡囡重6磅1：「太太今次係順產，不過都要催生，因為醫生見佢個肚冇乜反應，所以尋晚（前晚）已經開始催生。」Charles坦言有入產房兼剪臍帶，問到囡囡名字？Charles說：「中文名要等嫲嫲改，因為要夾時辰八字，英文名就叫Alison。」問到囝囝有否呷醋？他指暫時未有：「佢啱啱放學嚟咗睇妹妹，唔覺佢有呢種感覺，當然我同太太要做到公平，不過呢輪注意力會放多啲喺囡囡度。」