笑言怕分身家顏福偉：結乜鬼婚吖

直認同志身份的「白花油王子」顏福偉昨日舉行迷你音樂會，邀得好友余安安任嘉賓，對於早年被傳媒拍得與密友外遊，顏福偉坦言經常孖住去旅行，問到密友是否有心理準備會被偷拍？顏福偉說：「影到佢可能佢會話只係普通朋友。（佢咁答你咪好傷心？）唔會，尊重佢嘅言論自由，自己知咪得囉。」問到有否想過結婚？抵死的他笑說：「結乜鬼婚吖，又要分身家，冇乜呢個打算，如果我哋結婚，有同志身份就唔可以去緬甸短期出家。」而余安安大讚顏福偉的密友可愛兼得意，她說：「佢兩個都幾襯。」