朱慧敏遭冒名招搖反被舉報
網上騙案層出不窮，藝人身為公眾人物亦較易成為目標。藝人朱慧敏最近成為受害者，她透過朋友發現facebook（fb）有人冒充自己，「假帳戶」的名字是「朱慧敏」，還定期上載近照，仿真度連藝人唐詩詠、朱千雪、莊思敏等都誤以為是朱慧敏本人而加為好友，「假帳戶」的個人簡介內更寫着「與同性伴侶同居中」，令朱慧敏氣結！
當朱慧敏想舉報對方時，始發現自己的帳戶竟然反被舉報，令她無法登入，事件令她煩惱又無奈：「呢個假account周圍add我啲朋友，搞到佢哋問我係咪多咗個account。我真嘅account得十三個人，假嘅反而已經有萬幾個Fans，Fans見到假帳戶曾經上載過虐待動物的影片，我真係好嬲！」
從來唔用真名
另方面，歌手洪卓立（Ken）同樣遭人網上冒名疑似騙財。昨日他在社交網上載一張cap圖，寫着「你好，想請問你是否有在手遊上自稱本人，然而進行詐騙……宣稱洪先生你是在法國？」對此，Ken表示自己一直在香港，寫道：「我打機從來唔用真名#我都想去法國#日日都在香港開工#如果用自己真名呃你小小錢我會否太愚蠢。」
Ken受訪時相信有人冒用他的名及以其照片做頭像，在手遊上呃人：「有個被騙嘅苦主喺我fb留訊息問我，就係嗰張cap圖。（對方被騙財？）冇問佢幾多，可能都係啲點數卡。知道有人被騙，就特登鋪出來清澄吓。」
文：專案組