方力申張繼聰做Gym 餘興互摸肌肉

電影《女人永遠是對的》演員方力申、張繼聰、衛詩雅、楊思琦、邵音音、導演高志森等前晚出席首映，小方在戲中獲劉心悠主動咀嘴，但他指現實中少有如此艷福：「畀女仔主動錫平時梗係少啦，冇試過添呀！（拍戲好艷福？）艷福不嬲都有，真又好假又好啦！」他說今次最開心是與好兄弟張繼聰合作，大家在馬來西亞開工之餘還一齊「操肌」，小方笑說：「我哋一齊做Gym，摸吓大家啲肌肉，其實都係為咗健康抗衰老，保持年輕好緊要，男人仲得好緊要，我有心有力仲舉到一百磅，阿聰都要保持體力，仲要照顧個囡呢。」