莊思明開騷搵樂瞳幫拖
藝人莊思明、樂瞳、趙碩之、盧巧音與老公蘇浩才等，前晚到旺角出席《變形金剛：終極戰士》首映禮。思明與好姊妹樂瞳「黑白配」現身。思明被取笑飛甩男友楊明，她即嬌嗔道：「佢都約咗人呀，唔係我飛甩佢。」剛剛約滿無綫的樂瞳稱獲思明提供不少意見：「嚟緊都要去上海工作，出發前要約姊妹聚吓先。」思明笑說：「佢係一個好成熟嘅女仔，唔使我擔心佢，或者之後大家可以傾合作。（你音樂騷搵佢做嘉賓？）係喎！咁我要改改個rundown先。」
同場的盧巧音透露兩隻養了九年的兔仔病逝，大呼心痛：「我都有喊，我以為自己唔係有太多眼淚。」她計劃與老公旅行散心，之後再專心創作音樂。