阿Sa笑老闆似傳銷狂Sell億元別墅

阿Sa、周柏豪、鄭希怡（Yumiko）等昨日與英皇集團主席楊受成及英皇電影行政總裁利雅博，在銅鑼灣出席英皇電影《原諒他77次》答謝宴，並宣布電影票房已累積760萬。司儀問阿Sa見此佳績會否叫老闆添食？阿Sa興奮地說：「老闆話開第二集！」大會亦安排豬腳、雞腳讓連日來宣傳的演員補腳力，在場即起哄叫柏豪「啜腳趾」，但他卻把雞腳「塞」進阿Sa口中！不過難抵肚餓的柏豪最後亦偷食雞腳，場面搞笑！

柏豪拍續集冇要求

柏豪直言有信心票房達千萬：「尋日我哋係香港票房第一！上咗一星期，日日都係第二，畀晒西片夾住！」阿Sa則揼心口表示後悔事前沒有傾分紅：「依家講邊有！」更提議柏豪拍續集時傾分紅，柏豪即說：「你哋傾住先，我唔敢太多要求！」阿Sa自爆前日在內地宣傳時，老闆不停send新樓盤的照片給她：「我問佢係咪想送幢畀我。（真係送？）佢話送張支票畀佢先，但其實好難買到。（你係小富婆喎！）間獨立屋嚟o架！九位數字呀！仲要唔係九位頭！」

楊受成（右四）昨日率領《原》片台前幕後齊齊舉杯，有信心票房過千萬。	柏豪唔肯「啜腳趾」，將雞腳「塞」入阿Sa口中。	鄭希怡笑指與阿Sa揀男伴的口味不同。

鄭希怡同好姊妹爭仔

問阿Sa有否向老闆攞折頭？在旁的柏豪即大講粗口諧音：「五九折定五七折，自己揀！」阿Sa聽完一頭霧水，柏豪即在她耳邊細細聲解釋，恍然大悟的阿Sa說：「頂！」之後，阿Sa又指老闆稱師姐容祖兒已吼實樓盤，笑言似足傳銷手法，非常爆笑。至於Yumiko希望在續集可以與好姊妹阿Sa爭仔，但她指與對方口味不似。問到是否老公最好？她笑稱：「唔通我依家話好後悔咩？」

文：影視組